Мусулмонларнинг Мадинага ҳижрат қилиши
- Бўлим: Нурул яқин
- 130 марта кўрилди
Ансорлар Мадинага қайтгач, ислом дини кенг қулоч отиб ёйила бошлади. Мусулмонларнинг мадиналиклар билан иттифоқ тузганидан ва бу иттифоқ ўзларига қарши қаратилган куч эканидан хабар топган мушриклар пайғамбар алайҳис-салом билан саҳобаларга илгаригидан ёмонроқ зулм ўтказа бошлашди. Вазият ёмонлашганидан ташвишга тушган расулуллоҳ мусулмонларни Мадинага кўчишга буюрдилар. Мусулмонлар қурайш мушрикларининг тўсқинлик қилишлари андишасида якка-ёлғиз йўлга чиқдилар. Биринчи бўлиб Абу Салама Маҳзуми аёли Умму Салама билан кўчди, бироқ Умму Саламани мушрик қариндошлари ушлаб қолишди, кейин инсофга келиб қўйиб юборишди. Аёл не машаққатлар билан эрига етиб олди. Қалблари яратганнинг муҳаббати билан лиммо-лим тўлган мусулмонлар Оллоҳга ибодат қилиш, ислом динини турли тажовузлардан асраш учун туғилиб ўсган масканларидан бош олиб кета бошладилар. Улар тангри таоло ва пайғамбар алайҳис-саломнинг розилиги учун киндик қони тўкилган заминдан, ота-она, бола-чақаларидан айрилишга ҳам рози бўлдилар. Маккада Абу Бакр, Али, Суҳайиб, Зайид ибн Ҳориса ва тарки ватан этишга имкони йўқ кишиларгина қолишди. Расулуллоҳ сафар ҳижратга ижозат бериши умидидаман", дедилар. "Сен шундай умиддамисан? — деди Абу Бакр. — Ундай бўлса сенинг истагинг мен учун вожиб. Сен менга отамдан ҳам азизсан". Икковлон бирга йўлга чиқишга аҳдлашиб, туяларини ҳозирлаб қўйишди.