Свердловск областидан схиигумен Сергий (Николай Романов) коронавирус инфекцияси ва ҳукуматни танқид қилиш борасидаги шов-шувли баёнотлари учун маъмурий жавобгарликка тортилмоқда. Бунга қадар, Рус православ черкови Екатеринбург епархияси руҳонийнинг ваъз қилишни тақиқлаган.

"Ноанъанавий православлик" издоши деб эълон қилган cхиигумен Сергий черков тақиқини бузган ҳолда, рақамлаштиришни ва "шайтоннинг концентрацион лагерини" фош қилувчи яна бир хабар тарқатди. Унинг "Масиҳнинг жангчилари, рус православ черкови зобитлари ва аскарлари"га янги мурожаатида видео нафратни қўзғатгани учун YouTube видеохостинги томонидан деярли дарҳол блоклаб қўйилди.