Шу йилнинг биринчи ярим йиллигида Тожикистондан меҳнат муҳожирлари оқими қарийб 20 фоизга ортди. Тожикистон фуқароларининг аксарияти ишлаш учун Россияга йўл олмоқда, деб хабар қилади «Азия-Плюс». Тожикистон меҳнат, миграция ва бандлик вазири ўринбосари Эмин Сангинзода Душанбеда бўлиб ўтган матбуот анжуманида журналистларга хабар қилдики, олти ой ичида республикани 300 минг киши тарк этган, шундан тахминан 40 минг киши – аёллардир.

Moody’s агентлиги Марказий Осиё мамлакатлари иқтисодиёти ҳақида ҳисобот эълон қилди. Moody's Investors Service халқаро рейтинг агентлигининг маълумотларига кўра, Марказий Осиё мамлакатларида иқтисодий ўсиш салоҳияти уларнинг глобал савдога интеграция даражаси пастлиги туфайли, айниқса, уларнинг Хитой ва Ҳиндистон каби йирик ва тез ўсаётган бозорларга яқинлигини ҳисобга олган ҳолда  анча чекланган.