Мусулмон дунёсининг кўплаб мамлакатлари муқаддас Рамазон ойи арафасида йиғилишларга қатъиян тақиқ қўйишган бир пайтда Покистонда ҳамма нарса аксинча. Шанба куни тарқатилган баёнотда Покистон жамоат намозларини масжидларда ўтказишга қўйилган чекловларни олиб ташлаган, аммо мамлакатда коронавирус тарқалишининг олдини олиш учун кўплаб хавфсизлик шартларини қўйган.

Жазоирда таниқли сиёсатчи, Жазоир Уйғониш партиясининг асосчиси янги коронавирус касаллиги тарқалишини тўхтатиш учун мусулмонларни ушбу Рамазон ойида рўза тутмасликка чақирди. Сиёсатчи Нуриддин Букрух ўзининг Фейсбукдаги аккаунтида изоҳ қолдириб, унда ўқувчиларни Рамазонда касаллик тарқалиши сабабли рўза тутишни рад этиш кераклиги мантиқий ва шу сабабли исломий ҳаракат эканлигига ишонтиришга ҳаракат қилинди.

Бирлашган Араб Амирликлари аҳолиси Рамазон олдидан озиқ-овқат сотиб олишлари учун Дубай бўйлаб озиқ-овқат дўконлар очилади, деб хабар беради амирлик ҳукумати сешанба куни. Дубай душанба куни эрталаб соат 8 дан кечқурун 20 гача гўшт, балиқ, озиқ-овқат ва қаҳва, шунингдек ҳукумат рухсатини олган бошқа маҳсулотлар сотадиган дўконлар эшикларини очиши мумкинлигини маълум қилди. Ушбу даврда маъмурлар дўконларнинг ижтимоий тақиқ ва санитария қоидаларига риоя қилишларини текширадилар.

Ижтимоий аҳамиятга эга бўлган соҳаларда ишлайдиган Америка Қўшма Штатлари мусулмонлари бу йил Рамазонни хавфли вируснинг пандемиясида ва унинг тарқалиш марказида кутиб олишга мажбур бўлмоқдалар - ахир, Америка COVID-19га чалиниш ва унинг оқибатида ўлим ҳолатлари бўйича дунёда биринчи ўринда туради.

Халқаро диабет федерацияси (IDF) диабетиклар учун Рамазон уйида хавфсиз рўза тутиш бўйича брошюра чиқарди, деб ёзади The National. Дунёда тахминан 148 миллион диабетга чалинган мусулмонлар яшайди. Ва умуман олганда, дунёда диабет касаллиги "цунами тезлигида" ўсиб бормоқда ва улар тўғри маълумотларга эга бўлиши керак, деди Федерация президенти Шавкат Садикот.

Шарқий Қуддусдаги ишғол қилинган Ал-Ақса масжид мажмуи тарихда биринчи марта муқаддас Рамазон ойида ибодат учун ёпилади, деб хабар беради Anadolu Agency. Қуддус Ислом Вақф Кенгаши бу қарор Исломий фатволарга мувофиқ қабул қилинганлигини ва илгари тиббий тавсиялар эълон қилинганлигини айтди.

Бирлашган Араб Амирликларининг Фатво Кенгаши COVID-19 ташхиси қўйилган беморларга, шунингдек, уларни даволайдиган тиббиёт ходимларига 2020 йил 24 апрелда бошланиши керак бўлган Рамазон ойида рўза тутмасликларига рухсат берди. Рўза келишидан бир неча кун олдин кенгаш раиси шайх Абдуллоҳ бин Бахия барча соғлом мусулмонлар рўза тутиши лозимлиги ҳақида айтди.

Саудия Арабистонидаги энг юқори диний ташкилоти – Уламолар кенгаши бутун дунё мусулмонларини Рамазон ойида уйда ибодат қилишга чақирди, деб хабар беради SPA. Бу йил Рамазон бошланиши 24 апрелга тўғри келади (Инша Аллоҳ). Мўминларга оммавий йиғилишлардан сақланиш тавсия қилинди, чунки бу COVID-19 коронавирус инфекцияси тарқалишининг асосий жойидир.

Маълумки, яқин кунларда мусулмонлар интиқиб кутадиган, муборак Рамазони шариф ойи кириб келмоқда. Ҳар йили юртдошларимиз Рамазон ойини алоҳида тайёргарлик ва хурсандчилик билан кутиб оладилар ва кўтаринки руҳда, ўзгача шукуҳ билан ўтказадилар.

Муқаддас Рамазон ойи бошланишига бир ойдан кам вақт қолди. Лекин шунга қарамай, бу йил у ўтган йиллардагидек бўлмайди. Дунёда кенг тарқалган коронавирус эпидемияси туфайли куплаб мамлакатлар ўзини-ўзи изоляция қилиш ва ижтимоий масофа режимини жорий  қилдилар. Айрим мамлакатлада у ёзгача давом этади. Бутун дунё мусулмонлари хавотирда: Рамазон қандай бўлади? Ҳайит байрамини қандай нишонлаймиз?