Қишнинг совуқ тонги, 1925 йил 7 декабр куни эрталaб бир гуруҳ миршаблар Истамбулнинг энг кўҳна туманларидан бири ҳисобланган Фотиҳдаги бир уй эшигини қоқдилар. Эшикни қари аёл очди ва махсус полиция кийимини кийган кишиларни кўриб ҳайрон қолди. “Биз Атиф Хўжани излаяпмиз”, деди миршабларнинг бири. “У биз билан бирга маҳкамага бориши керак”, деб қўшимча қилди бошқаси.