Ироил авиацияси қамал қилинган анклавдаги фаластинликлар тўхтовсиз бомбардимонлар остида Ийд ал-Фитр диний байрамини нишонлаш учун пайшанба куни уйғонганида Ғазо секторида баланд бинолар ва бошқа нишонларга ҳужум уюштирди.

Шарқий Қуддусдаги Ал-Ақсо масжидида 100 мингдан зиёд мусулмон Ҳайит намозини ўқиди. Қуддусдаги Исломий Вақф идораси хабарига кўра, мусулмонлар байрам намозини ўқиш учун масжидга ташриф буюрган.

Фаластин ерларида воқеалар авж олишини кузатишда давом этамиз. Ғазода чоршанбага ўтар кечаси Исроил томонидан қаттиқ бомбардимон қилиш қайд этилди.

Ўзбекистон Республикаси Шарқий Қуддусдаги вазиятнинг кескин тус олиши сабабли чуқур хавотирда эканини билдиради. Бу ҳақда Ўзбекистон Ташқи ишлар вазирлиги Матбуот хизмати хабар берди.

Шу муносабат билан у мамлакат ҳукуматига мурожаат қилиб, шаҳарга армияни киритиш ва комендатлик соати жорий қилишга чақирди. Яҳудийлар ва араблар тўқнашувини у фуқаролар уруши деб атади ҳамда улар, машиналар ва ибоатхоналарга ўт қўйилаётгани ҳақида хабар қилди.

Сешанба куни эрталаб Исроил армияси қамал қилинган Ғазо секторини бомбардимон қилишни яна бошлади.

Душанба куни эрталаб Исроил босқинчи кучлари ал-Ақсо масжиди комплексига бостириб кириб, фаластинлик диндорларни резина қопламали ўқлар, кўз ёши оқизувчи газ ва овоз бомбалари билан ўққа тутиб, юзлаб одамларни яралади.

Шунингдек, Биз бани Исроилга у Китобда: «Сизлар албатта (Шом) заминида икки марта бузғунчилик қилурсизлар ва катта туғёнга тушурсизлар», деб хабар бердик. Бас, қачон у (бузғунчилик)лардан аввалгисининг вақти келганида, Биз сизларнинг устингизга (қилмишларингиз баробарида жазолаш учун) куч-қувват эгалари бўлган бандаларимизни юбордик. Улар (сизларни ҳалок қилиш, асир олиш учун) ховли-жойлар оралаб кездилар. (Бу ваъда) адо қилингувчи ваъда бўлди. Сўнгра (тавба-тазарруъ қилиб ўзларингизни ўнглаганингиздан кейин) Биз сизларни қайтадан уларнинг (Бобил ҳукмдорининг) устига ғолиб қилдик ва сизларга мол-дунё, бола-чақа билан мадад бериб, сон-саноқларингизни кўпайтирдик. Исро сураси, 4-6-оятлар

Шарқий Қуддусда маҳаллий фаластинликларнинг исроил босқинчилари билан тўқнашувлари бўляпти -  мусулмонлар учун муқаддас бўлган ал-Ақсо масжиди ҳудудида масжидни ҳимоя қилиш ҳаракатлари бошланди. Бу шунингдек, яхудийлар учун ҳам Маъбад тоғи номи остида маълум бўлган муқаддас жойдир.

Ислом ақидасида Қуддуси шарифнинг диний томондан эътиборли мақоми бордир. Бу фикрга мусулмонларнинг барча тоифалари, мазҳаблари ва қарашлари ҳамфикр бўлганлар. Демак у бутун бир умматнинг ижмоъсидир.