Май ойининг охиридан бошлаб Россиянинг аввалги ўтказиб юборилган тўловларининг охирги муддати кейинги якшанба куни (26 июнь) тугайди, шундан сўнг Москва 1918 йилдан бери биринчи хорижий дефолтга тушади.

Европанинг Россия газ таъминотидан воз кечиши авж олишда давом этмоқда ва бу Москвага бозорни катта йўқотиш билан таҳдид қилмоқда.

Қўшма Штатларда улар нафақат "хавотир" билдиришди, балки Россия Федерациясига НАТО давлатлари Литвага таҳдид туғилган тақдирда жанг қилишга тайёрлигини аниқ кўрсатдилар.

Мариуполда 22 мингдан ортиқ аҳоли рус босқинчилари қурбонига айланди, деди шаҳар мэри Вадим Бойченко.

Москва Украина денгиз портлари фаолиятини қайта тиклаш эвазига санкцияларни бекор қилишни талаб қилмоқда. Айни пайтда Россия кучлари Украина ғалласини талон-тарож қилиб, пулламоқда, дейди кузатувчилар.

Польша махсус хизматлари мамлакат узоқ вақтдан бери "Россия нишони остида" эканини таъкидламоқда.

Москванинг Украинадаги асоссиз уруши қозоғистонлик фермерларни Россия ва Украинанинг чорвачилик вакциналаридан маҳрум қилар экан, бу – босқиннинг ҳалокатли оқибатларидан бирига айланган.
Қозоғистонда чорва молларининг нобуд бўлиши – Марказий Осиёда Россиянинг Украинага босқини билан боғлиқ оқибатлардан бири бўлди, деб хабар беради Озод Европа/Озодлик радиоси сешанба (14 июн) куни.
Сўнгги кунларда Қарағанда вилоятининг Шет туманида 76 бош сигир ва бузоқ юқумли касаллик туфайли нобуд бўлган. Яна 150 та сигирда инфекция борлиги гумон қилинмоқда.
Ветеринария соҳаси мутасаддиларидан бири қорамолларининг нобуд бўлишини Украина ва Россия вакциналари етишмовчилиги билан изоҳлади.
24 февралда Россиянинг ўз қўшнисига қарши бошлаган асоссиз ҳужуми туфайли Украина ва Россия вакциналарини етказиб бериш тўхтаб қолган.
Бу икки мамлакат одатда чорва ҳайвонларига анаэроб касалликларга қарши вакциналар етказиб беради, деди душанба куни телевидениеда чиқиш қилган Қарағанда вилояти ветеринария бошқармаси бошлиғи Қайирбек Турсунбеков.
«Бу қишлоқда 3 минг бош қорамолни эмлаш режалаштирилган эди. Аммо вакцина етишмагани учун уларнинг атиги 25 фоизи эмланди», дейди у.
Қарағанда вилоятига анаэроб инфекция ва чорва молларининг бошқа касалликларига қарши 350 минг дозадан ортиқ вакцина керак, деди у.
«Бизга Украина ҳам, Россия ҳам вакцина етказиб беради. Касалликни ташхислаш ускуналари ҳам Украинадан келтирилади. Жорий мавсумда режалаштирилган эмлашлар учун етарлича вакцина ололмадик», деди у.
Вилоят ва бутун мамлакат бўйлаб инфекциялар тарқалишининг олдини олиш учун вакциналар таъминоти имкон қадар тезроқ тикланиши зарур, деб огоҳлантирди Турсунбеков.

Босқин Марказий Осиёда қийинчиликлар келтириб чиқарган

Қозоғистондаги қорамол ўлати постсовет ҳудуддаги мўрт тинчликка путур етказган Россиянинг яна бир зарбаси бўлди.
Украинага босқин ортидан Россияга нисбатан жорий қилинган халқаро санкциялар мамлакат иқтисодиётини ўта қийин аҳволда қолдирар экан, минглаб Марказий Осиёлик мигрантлар ватанига қайтишга ошиқмоқда.
Ўзбекистон ҳукуматига кўра, жорий йилнинг тўрт ойи давомида Россиядан Ўзбекистонга 133 минг нафар меҳнат мигранти қайтиб келган.
Украинадаги уруш ва Россияга қарши жорий этиладиган янги санкциялар бу йил пул ўтказмалари ҳажмининг камайишига олиб келади. Жаҳон банкининг 11 май кунги ҳисоботида айтилишича, пасайиш Қирғизистонда 32 фоизни, Тожикистонда 22 ва Ўзбекистонда 21 фоизни ташкил қилиши кутилмоқда.
Бундан ташқари, Марказий Осиёлик мигрантлар Украинага қарши ҳужумда катта талофат кўрган Россия армияси сафига чақирилишдан хавфсирамоқда.
Марказий Осиёда туғилиб, кейинчалик Россия фуқаролигини олган эркакларнинг маҳаллий ҳарбий комиссариатларга чақирилиши билан боғлиқ ҳолатлар кўпаймоқда, деб хабар берган эди Карвонсарой апрел ойида.
«Ҳозирги кунда мигрантлар Россияни тарк этиб, уйига кетгани ёки бошқа мамлакатларда иш топгани маъқул», деган эди ўшанда асли ўзбекистонлик мигрантлар ҳуқуқлари фаоли Валентина Чупик. «Бу мамлакатда яшаш хавфли бўлиб боряпти.»

АҚШ ва Ғарбнинг Россияга қўйган санксиялари бу мамлакат иқтисодиётига салбий таъсир қилмоқда. Масалан, озиқ-овқат дўконларида феврал ойидан бери нархлар 20 фоизга ошган. Ғарбда ишланган маҳсулотлар ҳам қимматлаган, баъзи нарсалар дўкон расталаридан аста-секин ғойиб бўлмоқда.

Хитой Қатар билан суюлтирилган газ ишлаб чиқариш бўйича North Field East лойиҳасида улуш сотиб олиш бўйича музокаралар олиб бормоқда.

«Роснефт» нефт йўқлиги туфайли Ҳиндистоннинг икки давлат нефтни қайта ишлаш заводига Urals партиясини сотиб олиш бўйича рад жавобини берди.