«Ан-Наср» ҳужумчиси Криштиану Роналду яна Саудия Арабистони чемпионатининг энг яхши тўпурарига айланди. 40 ёшли португалиялик футболчи Саудия лигасида кетма-кет иккинчи мавсум «Олтин бутса»ни қўлга киритди. Бу сафар у 35 учрашувда 25 та гол урди. Голлар пойгасида иккинчи ўринни «Ан-Аҳли» клубидан Айвен Тони 23 та гол билан эгаллади, учинчи ўринни эса Карим Бензема («Ал-Иттиҳод») ва Абдурразоқ Ҳамдалла («Аш-Шабоб») 21 тадан аниқ зарба билан бўлишиб олди.

"Реал" клуби ҳужумчиси Килиан Мбаппе 2024/25 йилги мавсум якунларига кўра "Олтин бутса" совринини қўлга киритди.