Янгиликлар (5420)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Тожикистон Ислом маркази раҳбари Саидмукаррам Абдулқодирзада берган фатвога кўра хотинини улар учун ғайриоддий бўлган усулда, жумладан, орал усулда жинсий алоқа қилишга мажбур этадиган эрлар катта гуноҳ қилади. Фатволар бўлими бошлиғи Жамолиддин Хомушийнинг изоҳ беришича, ушбу фатво Россияда узоқ вақт ишлаб келган уларни орал сексга мажбур қила бошлаган эрларнинг ҳаракатларидан хўрланган аёлларнинг кўп сонли шикоятларидан сўнг берилди.
Марокашлик уламо Аҳмад ар-Райсуний (Ahmed al-Raissouni) 8 ноябрь куни Доҳада жойлашган Халқаро Мусулмон уламолари Иттифоқининг янги раҳбари этиб сайланди ва Юсуф Қаразавий (Youssef al-Qaradawi) ўрнини эгаллади. Иттифоқ аъзолари овозининг 93 фоизини олган сайлов ўтган ҳафта Истанбул шаҳрида бўлиб ўтган IUMS бош ассамблеяси уч кунлик мажлисининг энг қиғин палласи бўлди, хабар беради Anadolu Agency.
2001 йил АҚШ иштирокидаги ҳарбий низолар давомида 480 мингдан ортиқ киши ҳалок бўлган, дейилади Браун университети профессори Нета Крауфорднинг тадқиқотида. Ушбу маълумотларга мувофиқ, ҳалок бўлганларнинг қарийб ярми тинч аҳоли вакили бўлган. Яна 10 миллион киши омон қолиш учун яшаб турган уйини ташлаб чиқишга мажбур бўлган.
Саудия Арабистонида бош прокурори The Washington Post журналисти бўлган саудиялик Жамол Хашукджи ўлдиришда айблаб ҳибсга олинган 11 кишининг 5 нафарига ўлим жазоси беришни талаб қилди. Бу ҳақида «Ал-Арабия» хабар беради. Бош прокурорнинг сўзларига қараганда, айбланувчилар Хашукджини ўлдириб, танасини майда бўлакларга ажратган ҳолда консулхона биносидан ва номаълум йўналишда олиб чиқиб кетганлар.
Ҳиндистон ҳукмрон партияси бироз бўлсада Исломга яқин янграйдиган ёки мазмунан ўхшаш бўлган аҳоли пунктларига бошқача номлар бериш ғоясига астойдил киришди. Яқинда миллатчилар тЂ ҳеч қандай жиддий далил келтирмади ва мусулмонлар жамоати аҳоли пунктларини қайта номллади, энди эса Аллоҳободдан 160 км узоқликда жойлашан ва 18-асрда набоблар мажлис ўтказиб келган Файзобод шаҳри Аюдхья деб атала бошлади.
Американинг Массачусеттс штатида истиқомат қиладиган мактаб ўқувчиси бўлган ўн яшар муслима ўз шкафчасидан унинг оиласини ҳам, ҳуқуқни муҳофаза қилувчиларни ҳам хавотирга солган таҳдидлар ёзилган хат топиб олди. Бешинчи синф ўқувчисига ёзилган номалардан бирида «сен террорчисан», бошқаасида эса «мен сени ўлдираман» сўзлари ёзилганди.
Қирғизистон президенти Сооронбай Жээнбеков «Замонавий дунёвий давлатда Ислом» халқаро анжуманида иштирок этар экан, динни тўғри йўналишга йўналтириш учун давлатнинг жамиятдаги диний ҳаётга таъсирини кучайтириш зарурлиги ҳақида гапирди. «Фақат давлатгина динни бутун жамиятнинг ривожланиш йўналишига йўналтиришга қодир. Шу сабабли унинг дин соҳасидаги роли ҳозиргидан кўра каттароқ бўлиши лозим», - таъкидлади у.
Исроил Мудофаа вазири, «Исроил бизнинг уй» ўнг радикаллар партияси етакчиси Авигдор Либерман истеъфо беришга қарор қилди, хабар беради Jerusalem Post газетаси. Либерман ўз қарори ҳақида ўз партиясининг кнессетдаги мажлисида хабар қилди. У лавозимдан кетишини мамлакат ҳукумати фаластинликларнинг ХАМАС ҳаракати билан сулҳ битими тузиш ҳақидаги қароридан норозилиги билан изоҳлади.
Нигериянинг Лагос штатида ҳукумат, ниҳоят, ёш муслималарнинг мактабга ҳижобда келиш ҳуқуқини тан олди. Мактабдаги рўмоллар мавзусида баҳс-мунозаралар Лагосда 2014 йил бошланган – ўшанда суд ўқувчи қизларнинг ҳижоб кийшини тақиқлаш ҳақида қарор чиқарганди, лекин 2016 йил бу қарор дин ва эътиқод эркинлиги тарафини олган апелляция судининг қарори билан бекор қилинганди.
14 ноябрь куни, АҚШ Конгрессида Хитойга нисбатан мамлакатнинг Шинжон-Уйғур автоном районида мусулмон-уйғурларга зулм қилингани учун санкциялар жорий қилиш бўйича қонун лойиҳаси тақдим этилади.
Британиялик қўшиқчи ва модель Зейн Малик ижтимоий тармоқларда ислом динига эътиқод қилмаслигини тан олиб, ўз обуначиларини «шок» ҳолатига туширди. (Атеистларнинг таъсирига тушиб қолган бўлса керак). Шу пайтгача келиб чиқиши покистонлик бўлган британиялик телеюлдуз ибодатсиз бўлса ҳам, ўзини мусулмон деб ҳисобланиб келарди ва ҳатто Британия шоу-бизнесида «энг юлдуз мусулмон» деб аталарди.
«Кавказская особая» ҳалол колбасаси кўриниши остида Чеченистонга таркибида чўчқа гўшти бўлган гўшт маҳсулоти етказиб берилган. Россельхознадзор қошидаги марказ ходимларининг аниқлашича, колбаса ҳалол бўлмаган, чунки маҳсулот таркибида чўчқа ДНК топилган, деб ёзади тармоқ нашри Кавказ.Реалии.
Австралия мусулмонлар жамияти мамлакат бош вазири Скотт Моррисонни терроризм нуқтаи назаридан исломни ёдга олиб ўтганлиги учун узр сўрашни талаб қилди. Бу ҳақида SBS канали хабар беради. «Австралияда диний экстремизмнинг энг катта таҳдиди радикал ва хавфли экстремистик ислом мафкураси ҳисобланади», - Моррисон айнан шу сўзлари сабаб ксенофобия учун танқидга учради.