Янгиликлар (5420)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
АҚШ давлат котиби Майк Помпео Яқин Шарқ мамлакатлари бўйлаб ўз хизмат сафарини Вашингтоннинг Эронга қарши глобал коалиция тузиш бўйича ҳаракатлари бир қисми деб атади, дея хабар беради CNBC телеканали. Унинг сўзларига кўра, Эронга қарши коалицияга АҚШ ва Исроилдан ташқари, Эрон давлатини «ўз фаолиятини тўхтатиши лозим бўлган терроризмнинг дунёдаги энг катта ҳомийси» деб ҳисоблайдиган Европа, Осиё ва Форс кўрфази мамлакатлари ҳам киради.
Қарағанда шаҳрида янги йил байрами кунлари дабдабали «Қадимги Рим» ресторани яқинида рўй берган пичоқбозлик, агарда ўз сўзини айтиши шарт бўлган бир муҳим омил бўлмаганида, оддий бир жиноят бўлиб қолаверарди. Бу ерда биз жанжал сабабчилари орасида арманлар ҳам борлигини ҳисобга олиб, миллатлараро омилни кўзда тутмоқдамиз.
Ҳиндистон қуйи палатаси пайшанба куни маъқуллаган қонун лойиҳаси мамлакат олий судининг мусулмонларда талоқ орқали ажралиш амалиётининг конституцияга зид эканлиги ҳақида қарорини ҳаётга татбиқ этади. Уч талоқни жиноятга тенглаштириш ҳақида қонун лойиҳаси, хусусан, талоқ қўядиган эрлар учун 3 йиллик қамоқ жазоси белгиланиши қатор етакчи мухолиф партиялар намойишкорона мурожаатида маъқулланди, хабар беради Japan Times.
Гарчи толибон ҳаракати Афғонистон ҳукуматининг тинчлик ҳақидаги таклифини рад қилган бўлсада, январь ойида АҚШ расмий шахслари билан учрашишга тайёр. Толибон бош вакили Reuters агентлигига маълум қилганидек, декабрь ойида Абу-Дабида бўлиб ўтган АҚШ расмий шахслари билан музокаралар январь ойида Саудия Арабистонида давом эттирилади.
Сербия Бош вазири Ана Брнабич DeutscheWelle га берган интервьюда Сребреницадаги қонхўрлик геноцид ҳисобланмайди, деб айтганида боснияликлар ҳайрон қолмади. Геноцидни инкор қилиш 1995 йил, яъни геноцид рўй берган пайтдаёқ бошланганди, лекин охирги пайтларда, кўпчиликнинг қайд этишича, Сребреницада мусулмонлар геноцидини инкор қилиш Сербия сиёсатчилари ва академиклар доирасида тобора кенг тарқалмоқда.
Айрим мусулмонлар пайғамбаримиз соллоллоҳу алайҳи васаллам йўлларига эргашиш ва пайғамбаримизнинг замонига қайтиш ўртасидаги фарқни тушунмайди, деб ҳисоблайди Миср собиқ муфтийси Али Жумъа. "Айрим биродарларимиз бизни пайғамбаримизнинг замонига қайтаришни истайди. Бу хато. Ҳар бир асрнинг ўз вақти бор. Биз пайғамбаримизнинг динига мувофиқ яшашни истаймиз, пайғамбаримиз давридаги каби эмас", - деди уламо CBC телеканалида «Валлоҳу аълам» дастури эфирида.
"Ливерпуль" клуби ва футбол бўйича Миср терма жамоаси етакчиси Муҳаммад Солиҳ агар «қизиллар» трансфер бозорида "Ред Булл Зальцбург" ва Исроил терма жамоасининг 26-яшар юлдузи Моанес Даббурни харид қилишга қарор қиладиган бўлса, инглиз клубини тарк этишга тайёр. Бу ҳақида i24News телеканали манбаси хабар беради.
Суриядаги авиазарбалардан сўнг Москва Исроилни «суверенитетни қўпол бузганлик»да айбламоқда. Исроил армияси эса фақат зенит ракетаси учирилишидан ўзини ҳимоя қилганини таъкидламоқда. Бу америка қўшинлари олиб чиқиб кетилгач, Исроил мағлуб саналаётган асосий томонлардан бири бўлган пайтдан бошлаб илк инцидент ҳисобланади, деб ёзади Le Journal du Dimanche журналисти Алексис Буаселье.
26 декабрь куни Россияда ўта замонавий ҳарбий имкониятларга эга бўлган, стратегик вазифаларни бажариши кўзда тутилган «Авангард» энг янги ракета комплекси намойиш этилди. Ушбу қурол Россия ҳақиқатда реал таҳдид солишини ифодалайди. Бу ҳақида американинг The National Interest нашри хабар беради.
Пайшанба куни Данияда маъқулланган қонун лойиҳасига кўра, мамлакат фуқаролигини қабул қиладиган ҳар бир шахс паспорт топшириш маросимида амалдорларнинг қўлини сиқиб қўйишга мажбур бўлади. Ушбу таомил диний мулоҳазаларга кўра, бошқа жинс вакиллари билан қўл сиқишишдан бош тортадиган мусулмон аҳли вакилларига қаратилган, хабар беради NYTimes.
Бир ҳафта олдин ОАВда Қозон ҳукумати коммунистик Хитой ҳукумати томонидан мусулмон ва туркий камчилик миллатларга жабр-зулм кўрсатишга қарши норозилик акцияси ўтказиш ҳақида келишиб олингани ҳақида хабар берилганди. Бу ҳақида «Азатлык» татар ёшлари Иттифоқи етакчиси Наиль Набиуллин хабар берганди. Акция, гарчи ташкилотчилар бошқа майдонларни ҳам сўраган бўлсада, 22 декабрь куни Тинчурин хиёбонида бўлиб ўтиши лозим эди.
Ватикан Рим папаси Францискнинг баёноти билан бутун насронийлар дунёсини ҳайратда қолдирди. Пантифик Библия мазмуни эскириб қолгани ҳақидаги фикри билан ўртоқлашди. Муқаддас Китоб матни тузатиш киритшга эҳтиёж сезмоқда. Папа черковнинг олий мансабдор шахсларининг учрашувини ташкил қилишга тайёр.
Машҳур Associated Press ахборот агентлиги Хитой товарлари арзонлиги ва жаҳон бозорларини босиб олишиниг сабабларини аниқлашга қаратилган текшириш ўтказди. Журналистларнинг аниқлашича, Хитойда Шинжон автоном районида истиқомат қиладиган маҳаллий мусулмонлар учун «қайта тарбиялаш» дастури амал қилмоқда.