Янгиликлар (5417)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Россияда ишлаб чиқилган, одамни сунъий равишда қаритишга қодир бўлган FaceApp фото-дастури АҚШ миллий хавфсизлигига ва фойдаланувчиларнинг шахсий маълумотларига таҳдид солиши мумкин. Демократларнинг Сенатдаги етакчиси Чак Шумер деб ҳисоблайди.
Украина Конституцион суди коммунизм ва нацизмни тарғиб қилишни тақиқлайдиган қонуннинг конституцияга зид эмаслигини тасдиқлайдиган қарорини эълон қилди. Суд баёнотида айтилишича, коммунистик ва нацизм режимлари бир-бирига тенг.
Ўзбекистон мусулмонлари идораси раиси, муфтий, шайх Усмонхон Темурхон Самарқандий (Алимов) ҳазратлари томонидан ёзилган “Тафсири Ирфон” номли Қуръони карим оятларининг ўзбекча таржима ва тафсири тўлиқ 30 жузи энг сифатли шаклда 6 китоб қилиб нашр этилди.
Ҳуқуқ ҳимоячилари Туркманистондаги вазият борасида бонг уришмоқда = Ташқи сиёсат маркази экспертларининг фикрига кўра, табиий газга бой бўлган мамлакат ҳалокат ёқасига келиб қолган. «Чегарасиз журналистлар» фикрига кўра, Туркманистон – ташқи дунёдан ёпиқлик ва изоляция бўйича дунёда фақат Шимолий Кореядан кейинги ўринда турадиган мамлакат ҳисобланади. Лекин бу мамлакатга чет эл инвестициялари жалб қилишга халал бергани йўқ.
Буюк Британия бош вазири лавозимига асосий даъвогар Борис Джонсон унинг ислом ва мусулмон дунёси ҳақидаги эссеси ҳақида маълумотлар пайдо бўлгач, танқидлар ёмғири остида қолди. 2007 йил чоп этилган эсседа у Буюк Британия Консерватив партиясидан сиёсатчи сифатида мусулмон дунёси ислом туфайли «Ғарбдан асрларга ортда қолмоқда» деб ёзганди.
Қрим масжидлари қошида ёзги болалар оромгоҳлари ва майдончалари ўз ишини давом эттирмоқда. Ҳозирги кунда мингдан ортиқ болалар бу ерда дам олиб, фойдали билимларга эга бўлдилар, деб хабар қилади qmdi. org. Ташкилотчилар Қрим мусулмонлар диний Бошқармаси кўмагида болалар учун дастур ишлаб чиқдилар.
Эронда исломий ахлоқ қонун-қоидаларига оғишмай риоя қилиш учун курашадиган ташкилотлардан бири мусулмон аёлларнинг ҳижобда юриши муҳимлиги ҳақида ижтимоий реклама чиқарди. Аниме мультфильми услубида бажарилган видеороликда эътиборсизлик билан ташлаб олган рўмоли остида сочлари кўриниб турган ёш аёл заргарлик дўконига кириб, сотувчидан товар ҳақида сўрайди.
Сомалида Кисмайо порт шаҳрида жойлашган меҳмонхонага террорчилар тарафидан уюштирилган ҳужум пайтида шу ерда туғилиб ўсган Канадалик муслима журналист аёл ҳалок бўлди. 43 яшар Худан Налайе аш-Шабаб жангариларининг ҳужум қилган пайт учинчи фарзандига ҳомиладор эди. Налайе билан бирга унинг турмуш ўртоғи, Фарид Жама Сулейман ҳам ҳалок бўлди, деб хабар қилади Al Jazeera.
Бертельсманн фонди томонидан ўтказилган «Дунёқарашлар хилма-хиллиги ва демократия» социологик сўрови натижаларига кўра, Германии фуқароларининг ярмидан кўпи исломни таҳдид деб ҳисоблайди, деб хабар қилди 11 июл куни фонд сайти. Германия бўйича ўртача 52% респондентлар исломни таҳдид деб ҳисоблайди ва атиги 36% респондентлар у жамият ҳаётини бойитади деб ҳисоблашини айтган.
Москвада Al Arabia Fashion Days Араб модалар Куни иккинчи мавсуми очилиши бўлиб ўтди. Кўпчилик мода экспертларининг фикрига кўра, шарқона мода услуби унга хос бўлган аёлларнинг ёпиқ либослари билан бирга замонавий мода саноатида энг жадал ривожланаётган йўналишлардан бирига айланмоқда.
Тожикистонда 2020 йилда мўлжалланган аҳолини рўйхатга олиш давомида республика аҳолисидан биринчи марта қайси динга мансублиги сўралади. «Аҳолини рўйхатга олиш тўғрисида»ги қонунга мос келувчи ўзгаришлар Тожикистон парламентининг юқори палатаси аъзолари томонидан қабул қилинди.
АҚШ президенти Дональд Трамп 2020 йилга мўлжалланган аҳолини рўйхатга олишда фуқаролик ҳақида саволга мурожаат қилмасдан, мамлакатда АҚШ ва бошқа давлатларнинг нечта фуқароси яшашини аниқлашга имкон берадиган фармон имзолади.
Қайд этилишича, мамлакат аҳолисининг фуқаролиги ҳақидаги маълумотларни Трамп ҳар бир вазирлик ва федерал ҳукумат бошқарувидан олишни режалаштирган.
Россияда капитал ва иқтисодиётнинг миллийлаштируви рўй бераётган бўлиб, бу мамлакатнинг энг бой одамлари орасида яҳудийлар қисқариши ва рус миллатига мансуб бўлган кишиларнинг ортиши билан тавсифланади. Бу ҳақида рус миллатчилиги ғоявий раҳнамоларидан бири, этносиёсат ва миллатлараро муносабатлар соҳаси мутахассиси, осква гуманитар университети бош илмий ходими Александр Севостьянов баёнот берди.