Янгиликлар (5425)
Жаҳон ва Ислом оламида бўлаётган воқеалар, ҳодисалар, хабарлар ва янгиликлар
Джонс Хопкинс университети маълумотларига кўра, дунёда COVID-19 ҳолатлари сони 62 миллиондан ошган. Жами 62 094 127 кишида касаллик аниқланган. Энг кўп касаллар сони АҚШ да қайд этилган - 13,2 млн киши. Иккинчи ўринда 9,5 млн киши касалланган Ҳиндистон, учинчи ўриндаги Бразилияда 6,2 млн кишида касаллик аниқланган. Биринчи бешликдаги мамлакатлар рўйхатини Франция (2,26 млн киши) ва Россия (2,24 млн киши) якунлайди.
27-28 ноябрь кунлари Нигер пойтахти Ниамей шаҳрида Ислом ҳамкорлик ташкилоти (ИҲТ) ташқи ишлар вазирлари Кенгашининг 47-йиғилиши бўлиб ўтди. Trend Озарбайжон ташқи ишлар вазирлигига таяниб хабар беришича, ИҲТ ташқи ишлар вазирлари Кенгаши йиғилишида Арманистоннинг Озарбайжонга тажовуз қилиши билан боғлиқ сиёсий, иқтисодий ва маданий масалаларни ёритувчи резолюциялар қабул қилинган.
Ўтган куни Рим Папаси Франциск 13 нафар янги кардинални расман тайинлади, уларнинг тўрттаси 80 ёшдан ошган. BBCNews хабар қилишича, COVID-19 пандемияс туфайли Ватикандаги маросимга ҳамма ҳам етиб келмади. Рим католик черкови тарихида ҳали видеоалоқа орқали юқори мансабларга тайинловлар амалга оширилмаган эди. Лекин бу кунни бошқа сабабларга кўра ҳам тарихий деб аташ мумкин.
Эрон ташқи ишлар вазири Муҳаммад Жавод Зарифнинг айтишича, Тель-Авив Эрон Мудофаа вазирлиги ҳузуридаги тадқиқот ва инновация ташкилоти раҳбари Муҳсин Фахризода ҳалок бўлган террорчилик ҳужумига алоқадор. Вазир ўзининг Twitter-аккаунтида Тел-Авивнинг олим ўлимига алоқадорлигига «жиддий далиллар» мавжудлигини маълум килди.
Ҳомиладорлик даврида коронавирус инфексиясига учраган, Сингапурда яшовчи аёл COVID-19га антитаналари борлиги аниқланган болани туғди, деб хабар бермоқда маҳаллий газета Straits Times. 31 яшар Селин Нг-Ченда коронавирус март ойида, у ҳомиладорликнинг 10-ҳафтасида бўлганида аниқланганди.
Францияда ўтган суткада 9,8 мингга яқин коронавирус ҳолати қайд этилди, деб хабар қилади мамлакатнинг Sante Publique агентлиги. Сўнгги 24 соат ичида 9784 касал қайд этилди, Францияда эпидемия бошланган пайтдан касалланганлар умумий сони 2 миллион 218 минг кишига етди, 52,3 минг киши вафот этди. Бунда бир суткада касалхоналарда ўлганлар сони 198 кишини ташкил қилди.
Эрон АҚШ ва Исроилни ҳар қандай авантюрадан огоҳлантиради, ўз халқи ва манфаатларини ҳимоя қилиш учун барча зарур қадамлар қўйиш ҳуқуқини ўзида сақлаб қолади, дейилади Ислом Республикасининг БМТдаги доимий вакили Мажид Тахт-Раванчининг Теҳрон яқинида атомчи-физигига суиқасддан сўнг йўллаган мактубда.
Конституциявий ислоҳот лойиҳасини маромига етказиш устида иш олиб бораётган Қирғизистон конституциявий конференсияси рус тилининг расмий мақомини олиб ташлашга чақирди. Йиғин аъзоси Садирдин Торалиев ўз ташаббусини қирғиз ёшлари орасида миллий тилни асраб-авайлаш ва оммалаштириш борасида ғамхўрлик билан изоҳлади.
Ҳижобдаги супермодел Ҳалима Аден шов-шувли баёнот берди - мусулмон аёл ўзининг моделлик карераси диний қадриятларига таҳдид сола бошлагани туфайли халқаро подиумларни тарк этишга қарор қилди. Ҳижобда жамоатчиликка маълум бўлган биринчи моделлардан бирига айланган Аден, машҳур брендларнинг шоуларида, жумладан, Кане Уэст кийим-кечак линиясида ҳижобда катнашган. Сўнгги кунларда Ҳалима ўз ҳиссиётлари билан ўртоқлашган бир неча постларини чоп этди.
Даниялик вазир имомларни «аёлларнинг никоҳдан олдин жинсий алоқа қилиш ҳуқуқи»ни қўллаб-қувватлашга чақириб, мусулмонлар жамоатини ғазаблантирди. Ташқи ишлар ва интеграция вазири Маттиас Тесфайе мусулмонлар етакчилари билан учрашув сўнг, уларга тўғридан-тўғри савол берди - улар мусулмон аёлларнинг тўйдан олдин жинсий муносабатларга эгалик ҳуқуқи ҳақида баланд овозда ва аниқ қилиб жамоат олдида баёнот бера оладими, деб хабар қилади Al Jazeera.
Ҳиндистоннинг ҳукмрон миллатчи партияси мамлакатнинг аҳоли энг зич жойлашган штатида «никоҳ орқали динга ўтказиш» жиноят, деб қабул қилинадиган қонунни маъқуллашга эришди. Уттар-Прадешнинг янги қонунига кўра, турли динларга мансуб келин ва куёв никоҳдан ўтиш нияти ҳақида туман судига 2 ой олдин хабар бериши керак ва фақат расмийлар бундай никоҳни тасдиқласагина, бундай никоҳ амалга ошиши мумкин бўлади.
Хитой Рим Папаси Францискни янги китобидан олинган парча учун танқид қилди. Китобда Хитойдаги Уйғур мусулмон озчиликларининг азоб-уқубатлари тилга олинган эди. Пекин фикрига кўра, Папанинг сўзлари "ҳаққоний асосга эга эмас".
Президент Гурбангули Бердимуҳамедов 25 ноябрь куни Болқон вилоятига ишчи сафари доирасида вилоят бош масжидининг очилиш маросимида иштирок етди, деб хабар бермоқда Туркманистон давлат ахборот агентлиги.