Луғатда «ҳасан» + чиройли, яхши маъноларида келади. Уламолар истилоҳида эса хабар оҳод бўлиб, зеҳни ўткир, одил, аммо зобти сал пастроқ, енгил кишилар нақл қилган ҳадис «ҳасан ҳадис» дейилади. Яъни у ровийи сидқ ва омонатда машҳур, лекин ҳофизлик ва ишончда қисқароқлиги туфайли саҳиҳ даражасига етмаган ҳадисдир. Ҳужжат олишда қувват жиҳатидан саҳиҳдан пастроқ бўлса ҳам ўзи саҳиҳ ҳадис кабидир. Шунинг учун барча фиқҳ, усул, ҳадис олимлари ундан ҳужжат олишган ва амал қилишган.