Араб алифбоси ҳарфларидан бири, Қуръони каримнинг эллигинчи сураси номи, Маккада нозил қилинган, 45 оятдан иборат. Барча маккий суралар каби исломий ақиданинг асослари ҳақидаги бу сурада асосан мана шу ақиданинг бир бўлаги бўлмиш қайта тирилиш ва бу дунёда қилиб ўтилган барча амаллар ҳисоб-китоб қилиниши ҳақ экани ҳақида сўз боради. Сура ўзининг илк калимаси бўлмиш Қоф ҳарфи билан номланган.