Намознинг иккинчи ракатидан ва охирги ракатидан сўнг ўтириш «қаъда» дейилади. Намоз икки ракатли бўлса, қаъдада «Ташаҳҳуд», сўнгра саловот ва дуо ўқиб тамомлайди. Агар уч ёки тўрт ракатли бўлса, бунда «Ташаҳҳуд»ни ўқиб бўлгач, «Аллоҳу акбар» деб кейинги ракатга туради. Тўрт, уч ракатли намознинг иккинчи ракатидан кейинги қаъда «қаъдаи уло», тўртинчи ёки учинчи (охирги) ракатдан кейинги қаъда «қаъдаи охир» дейилади.