Юсуф ибн Муҳаммад ал-Қорабоғий ал-Муҳаммад Шоҳий, Мовароуннаҳрнинг таниқли олимларидан. Милодий 1562 йили Озарбойжонда туғилган, Самарқанд ва Бухорода яшаган. Шерозда Ҳабибуллоҳ Мирзо ал-Боғнавийдан таълим олиб, етук фақиҳ, муҳаддис, Нажмиддин Кубронинг кубровийлик тариқатига кириб, тасаввуф олими бўлиб етишади. Ўттизга яқин асар ёзган. «Рисолаи ботиниййа», «Рисолаи хилватиййа», «Фи таърифил илм», «Мафатиҳ» каби асарлари машҳур. 1647 йилда вафот этган.