Абул Фазл Аҳмад ибн Муҳаммад аз-Заранжирий, Мовароуннаҳрнинг атоқли олимларидан. Бухоронинг Ғиждувонида туғилган. Ўз даврининг улуғ фақиҳи, муҳаддиси, авлиёуллоҳи, мударриси бўлиб етишган. Илмдаги салоҳияти учун «Шамсулаимма» (Имомлар қуёши) унвонига мушарраф бўлган. Самарқанд, Балх, Косон ва бошқа шаҳарларда ўнлаб шогирдлар тайёрлаган. Ҳанафий мазҳаби фатволарини мукаммал билгани учун «Абу Ҳанифаи сағир» (Кичик Абу Ҳанифа) деган ном олган. Милодий 1119 йилда вафот этган, қабри Бухородаги Гулобод қабристонида.