Луғатда «тонг» маъносини англатади, Қуръони каримнинг бир юз ўн учинчи сураси номи, Маккада нозиб қилинган, 5 оятли. Ушбу сура бундан кейинги «Ан-нос» сураси билан бирга «Ал-муаввазатони», яъни «икки паноҳ сўралгувчи сура» деб аталади. Чунки ҳар икки сурада Аллоҳ таоло Пайғамбар алайҳиссаломга ва барча мўминларга Еру осмондаги барча ёмон нарса ва ҳодисалардан ёлғиз Ўзига илтижо қилиб паноҳ сўрашларини таълим беради. Суранинг илк оятидаги «Тонг Парвардигори» сўзидан унинг номи келиб чиққан.