Одат ва анъаналарда ёки моддий ва маънавий фикрларда ҳаддан ташқари қаттиқ туриб олиш, ўз билганидан қолмаслик «таассуб» дейилади. Таассуб икки хил бўлади: биринчиси динга тааллуқли таассуб бўлиб, у ақида ва Ислом ҳақиқатларида кўрсатилган саботдир; иккинчиси эса ботил, фойдасиз одатлар, расм-русумлар, фикр-ғоялар, қилиш-қилмасликда диний жиҳатдан монеълик бўлмаган ишларда кўрсатиладиган тассуб бўлиб, буниси қоралангандир. Бу жоҳилона қарашлардан сақланиш лозим. Ҳақиқатга ҳақиқат, ботилга ботил деб қарашга ўрганиш керак.