Юнон файласуфларидан бир мазҳабга эргашганларнинг номи. «Софистлар» деб ҳам юритилади. Суфистоийлар нарсаларнинг ҳақиқатини билиш муҳаққақ эмас, деган фикрда бўлишган ва бу билан ақидамизга зид фикр айтишган. Мусулмон олимлар фикрича, нарсалар ҳақиқати собитдир ва уларни илм билан билиш муҳаққақдир. Қадимги юнон файласуфларининг китоблари мусулмонлар томонидан таржима қилиб ўрганилгани учун улар бу фалсафадан яхши бохабар бўлишган ва илмий баҳсларда уларга фикрларини билдириб туришган.