Луғатда «тўсиш» деган маънони билдиради. Истилоҳда намозхон олдидан инсон кесиб ўтиши эҳтимоли бўлганида унинг олдига (икки қошидан бири тўғрисига) қўйиладиган узунлиги камида бир зироъ (ярим метр) узунликда, йўғонлиги камида бармоқдай бўлган калтак, темир каби нарсалар «сутра» дейилади. Олдидан одам ўтиш эҳтимоли бор жойда сутра қўймай намоз ўқиш макруҳдир. Сутрага яқин туриш суннатдир. Агар сутра учун бирор нарса топилмаса, узун бир тўғри чизиқ чизилади.