Сулаймон Боқирғоний, Ҳаким ота ҳам дейишади. Хоразмнинг Боқирғон кентида туғилган. Хожа Аҳмад Яссавийнинг истеъдодли шогирди, тариқат ва шеъриятда пири муршидининг анъаналарини давом эттирган. Алишер Навоий «Насойим ул-муҳаббат»да: «Ҳаким ота + оти Сулаймондур, Хожа Аҳмад Яссавийнинг муридидир», деб ёзади. Унинг «Ҳикматлар»и, «Меърожнома», «Биби Марям» достонлари бор. Милодий 1186 йилда вафот этган.