Асли исми Юсуф ибн Айюб, Салоҳиддин Айюбий номи билан дунёда машҳур саркарда. Милодий 1128 йили Ироқнинг Тақрит шаҳрида туғилган, миллати курд. Миср, Сурия, Яманни етмиш беш йил (1174-1249) идора қилган айюбийлар сулоласининг асосчиси. Ислом олами уни Байтул-Мақдис (Қуддуси шариф)нинг иккинчи фотиҳи сифатида яхши танийди. Жасур, адолатпарвар саркарда, салибчиларга қарши курашда ном чиқарган ҳукмдорлардан. 1193 йилнинг 4 мартида Дамашқда вафот этган.