Саид ибн Омир ал-Жумаҳий (р.а.), улуғ саҳобийлардан. Хайбар фатҳидан аввалроқ Исломга кирганлар. Тоат, зуҳд, тавозуъ, тақвода ном чиқарган олийжаноб инсон бўлганлар. Мадинага ҳижрат қилиб, Расулуллоҳ (с.а.в.) билан бирга Хайбар ва ундан кейинги ғазотларда қатнашганлар. Ҳазрати Умар халифаликлари даврида Шомнинг Хумс шаҳрига волий этиб тайинландилар. Волийликлари пайтида адолат ва саховат соҳиби эканларини исботладилар. Ҳижрий 20 (милодий 641) йилда вафот этдилар.