Абул Ҳасан Муқотил ибн Сулаймон ал-Аздий ал-Балхий, тобеъинлардан. Ҳозирги Афғонистон шимолидаги Балх шаҳрида туғилган, Басра ва Бағдодда яшаган. Қуръон илмларининг атоқли олими, муфассир. Қуръони карим тафсиридан ташқари унинг сабаби нузул, ал-вужуҳ ван-назаъир, носих ва мансухлар ҳақидаги рисолалари, қадарийларни фош этувчи асари бор. Ҳижрий 150 (милодий 767) йили Басрада вафот этган.