Луғатда «бирор ишни бирор нарсага боғлиқ қилиб қўйиш» маъноси бор. Никоҳ ва талоқ илми истилоҳида хотин бўлиб хотин эмас, боши очиқ бўлиб боши очиқ бўлмаган, аросат ҳолида «осилиб» қолган аёл «муаллақа» дейилади. Бу ҳақда Қуръони каримнинг Нисо сурасида (129-оят) зикр этилган. Бундай аёлни эр хотин ўрнида кўрмайди, айни пайтда талоғини бериб бошини очиб ҳам қўймайди. Муаллақалик аёл кишига зулм ҳисобланади.