Қуръони каримнинг ўн тўртинчи сураси номи, Аллоҳнинг расули Иброҳим алайҳиссалом номи билан аталган, Маккада нозил қилинган, 52 оятдан иборат. Аксари маккий суралар каби бунда ҳам эътиқод, ваҳий, тавҳид, қайта тирилиш, қиёматдаги ҳисоб-китоб, жазо-мукофот ҳақида батафсил зикр этилади. Пайғамбарлар отаси Иброҳим алайҳиссаломнинг Маккага келишлари, у ерда Аллоҳга қилган илтижолари хусусида муфассал ҳикоя қилингани учун мазкур сура шу ном билан аталган.