Жамолиддин Абул Фарож Абдураҳмон ибн Али ибн Жавзий, милодий 1116 йилда туғилган. Бағдодлик ҳанбалий мазҳаби фақиҳи, муҳаддис, муаррих, воиз. Машҳур ҳанбалий олимлардан сабоқ олган. Халифа ал-Мустадий даврида сарой масжидида ваъз қилган. Энг сермаҳсул Ислом олимларидан, икки юзга яқин асар ёзган. Булардан энг машҳури халифалик тарихига оид ўн жилдли «Ал-мунтазам»дир. Бундан ташқари «Талбис иблис», «Сайд ал-хотир», «Замм ал-ҳаво» каби асарлари ҳам бор. Милодий 1201 йили вафот этган.