Муҳаммад ибн Сафдор Жамолиддин Афғоний, милодий 1839 йили туғилган. Афғонистонлик йирик диний-сиёсий арбоб. Кобулда ва Ҳиндистонда таҳсил олган. Ислом динини ислоҳ қилиш ва мусулмон дунёсини Ислом байроғи остида бирлашишга даъвати билан танилган. Миср, Ҳиндистон, Лондон, Парижда яшаган, Ироқ, Эрон, Россияда бўлган. Мисрлик дин арбоби Муҳаммад Абдуҳ билан миллий-инқилобий ҳаракатларга раҳбарлик қилган, газета нашр этган. Унинг «Моддиюнчиларга раддия», «Татиммат ал-байаш», «Афғонийнинг Ренанга жавоби», «Таълим ва таҳсил фойдаси» каби асарлари бор. 1897 йили Истанбулда вафот этган, ҳоки Кобулга олиб келинган.