Баро ибн Молик ибн Назр ибн Замзам (р.а.), саҳобий, Анас ибн Моликнинг ота ва она бир инилари. Уҳуд ва бундан кейинги бошқа маъракаларда Расулулллоҳ (с.а.в.) билан бирга қатнашдилар. Шу даражада баҳодир эдиларки, яккама - якка олишувда юзга яқин рақибни ўлдирган эдилар. Ибн Сирин айтадилар: «Умар ибн Хаттоб мактуб ёзиб, унда «Барони мусулмонлар қўшинига бошлиқ этманглар, чунки у олдинлаб кетиб қолганларни ҳалок қилиб қўяди», дедилар.