Жаннат билан дўзах ўртасидаги бир водийнинг номи Арасот ёки Аъроф дейилади. Гуноҳлари ва савоблари баробар чиққанлар, ота-онасидан бирини норози қилганлар жаннат ёки дўзахга киришга рухсат бўлмагани учун Арасотда қолишади. Улар жаннат аҳли ва дўзах аҳли билан кўришиб-гаплашиб туришади. Арасотдагиларга ноз-неъмат ҳам, азоб-уқубат ҳам бўлмайди. Жаннатдагиларни кўриб ўзларини дўзахда тургандек, дўзахийларни кўриб эса ўзларини жаннат аҳлидек фараз қилишади. Маълум муддатдан сўнг Аллоҳ таоло Арасот аҳлига жаннатга киришни амр қилади.