Абул Асвад Золим ибн Амр, тобеъинлардан. Расулуллоҳ (с.а.в.) даврларида Исломга кирган бўлса ҳам, лекин у зот билан кўришмаган. Тили ўткир, фаҳми кучли, доно, ишончли киши бўлган. Агар Ибн Аббос Басрадан чиқадиган бўлсалар ўринларига уни бошлиқ қилиб кетардилар. Бу ишга халифа Али ҳам рози бўлардилар. Жамал воқеасида Ҳазрати Али билан иштирок этган. Таниқли саҳобийлардан бир неча ҳадис ривоят қилган. Ҳижрий 85 йили Басрада вафот этган.