Абдуллоҳ ибн Молик ибн Буҳайна (р.а.), кунялари Абу Муҳаммад, саҳобалардан. Оналари Буҳайна бинти Ҳорис ибн Мутталиб, оталари Молик ибн Ҳишом Аздуманда қабиласидан эди. Абдуллоҳ умр бўйи рўза тутган зоҳид ва фозил киши эди. Расулуллоҳ (с.а.в.) суҳбатларида бўлиб, у зотдан бир неча ҳадис ривоят қилганлар. Мадинадан ўттиз чақирим наридаги Батну-рийм деган жойда истиқомат тутиб, ўша ерда вафот этганлар.