912/1. Имрон ибн Ҳусайндан розияллоҳу анҳу ривоят қилинади. Расулуллоҳ соллоллоҳу алайҳи васаллам ҳузурларига Жуҳайна қабиласидан зинодан ҳомиладор бўлган бир аёл келиб: «Эй Аллоҳнинг Расули, менга ҳад уриш лозим бўлиб қолди. Уни менга қоим қилинг», деди. Расулуллоҳ соллоллоҳу алайҳи васаллам унинг яқинларини чақирдилар. «Унга чиройли муомала қил ва ҳомиласини туғиб бўлганидан кейин олиб кел», дедилар. Хотин туққанидан кейин уни келтиришди. Расулуллоҳ соллоллоҳу алайҳи васаллам аёлнинг кўйлагини маҳкам боғлашни, сўнг тошбўрон қилишни буюрдилар. Ҳукм ижро қилинганидан кейин унга жаноза намозини ўқидилар. Имом Муслим ривоятлари.