737/1. Абу Масъуд ал-Ансорийдан розияллоҳу анҳу ривоят қилинади. Бир киши беш кишилик таом ҳозирлаб, бешинчиси этиб Расулуллоҳни соллоллоҳу алайҳи васаллам ҳам чақирди. Расулуллоҳ соллоллоҳу алайҳи васаллам ўзлари билан бошқа бир кишини олиб келдилар. Унинг эшиги олдига яқинлашганларида у зот уй эгасига: «Бу киши менга эргашиб келди. Агар хоҳласанг, бунга изн бер, кирсин. Агар хоҳламасанг, қайтиб кетади», деганларида, уй эгаси: «Эй Аллоҳнинг Расули, унинг киришига изн бераман», деб айтди. Имом Бухорий ва Муслим ривоятлари.