Шу йилнинг шаъбон ойида Санъо билан Макка оралиғидаги Туроба деган жойда яшовчи Ҳавозин араблари мусулмонларга қарши ҳаракат қилишаётгани маълум бўлди. Пайғамбар алайҳис-салом уларга қарши Умар ибн Хаттоб бошчилигида ўттиз нафар саҳобани жўнатдилар. Бу хабарни эшитган Ҳавозин араблари қочиб кетишди. Мусулмонлар бу юртда бирон кимсани учратолмай қайтиб келишди.