Пайғамбар алайҳис-саломнинг ҳузурларига Ғассон, бани Абс, Нахъ арабларининг элчилари ташриф буюришди. Расулуллоҳ уларни парвардигор ато этган одоб ва очиқ чеҳра билан кутиб олдилар, жуда кўп совға-салом улашдилар. Юртига қайтиб боргач, қабиладошларига ўргатишлари учун имон ва шариат аҳкомларидан таълим бердилар. Кейинчалик улар қир-адирда яшовчи араблар орасида Ислом динини тарғиб этишда катта хизмат кўрсатишди.