Ислом оламидаги йирик олимларнинг илмий фаолиятларини кузатиб бир нарсага амин бўлдим. Шайх Юсуф Қарзовий, доктор Муҳаммад Саид Рамазон Бутий, шайх Муҳаммад Ғаззолий, профессор Абдуллоҳ бин Байя каби алломаларнинг китоб ва фатволарини ўқисангиз исломнинг оламшумул, инсонларга раҳмат дини эканининг, ҳукмлари ҳар замону маконга мувофиқ енгил ва мослашувчанлигининг, таълимотлари эса олийжаноблик ва бағрикенгликка асосланганининг гувоҳи бўласиз.