Бугун Нур-Султан шаҳрида бўлиб ўтган Қозоғистон мусулмонлар диний идорасининг навбатдан ташқари ІХ қурултойида  Серикбай қажи Ўраз ҚМДБ раиси, Бош муфтий лавозимига Науризбай қажи Таганулини таклиф қилди. Қурултойнинг 300 делегати таклиф этилган номзодни бир овоздан маъқуллади ва Науризбай қажи Таганули Бош муфтий этиб сайланди, хабар беради ҚМДБ матбуот хизмати.

Мисрда Пайғамбаримиз Муҳаммад соллоллоҳу алайҳи васаллам таваллуд топган кун муносабати билан кенг кўламли тадбир бўлиб ўтди, хабар беради muftyat.kz. Тадбир доирасида мамлакат президенти Абдулфаттоҳ Сисий Ислом таълимотининг равнақига муносиб ҳисса қўшган бир қатор олимлар ва мутафаккирларни тақдирлади.

Австралия мусулмонлар жамияти мамлакат бош вазири Скотт Моррисонни терроризм нуқтаи назаридан исломни ёдга олиб ўтганлиги учун узр сўрашни талаб қилди. Бу ҳақида SBS канали хабар беради. «Австралияда диний экстремизмнинг энг катта таҳдиди радикал ва  хавфли экстремистик ислом мафкураси ҳисобланади», - Моррисон айнан шу сўзлари сабаб ксенофобия учун танқидга учради.